Պուտին. Սիրիայի հարցով Իրանի ու Ռուսաստանի համագործակցությունն արդյունավետ է եղել
Ռուսաստանի նախագահը երկուշաբթի օրը Սոչի քաղաքում Թուրքիայի նախագահ Ռեջեբ Թայիբ Էրդողանի հետ հանդիպումից հետո ընդգծել է, որ Իրանի ու Թուրքիայի հետ Մոսկվայի համագործակցությունը Սիրիայում շոշափելի արդյունք է ունեցել: «Սիրիայում երկխոսության համար հող է նախապատրաստվել». ասել է նա:
«Մեհր» լրատվական գործակալության հաղորդման համաձայն, Վլադիմիր Պուտինն ասել է. «Ռուսաստանը կշարունակի Սիրիայի ճգնաժամի կարգավորման ուղղությամբ Իրանի ու Թուրքիայի հետ համագործակցությունը»:
Հանդիպման ժամանակ, Թուրքիայի նախագահ Ռեջեբ Թայիբ Էրդողանն անդրադառնալով Աստանայի բանակցությունների դրական ընթացքին, ասել է. «Թուրքիան ու Ռուսաստանը բոլոր բնագավառներում, այդ թվում՝ Սիրիայի ճգնաժամի հարցով, համատեղ քայլեր են ձեռնարկում»:
Թուրքիայի նախագահը նաև ընդգծել է այդ երկրի և Ռուսաստանի հարաբերությունների առավել ընդլայնման անհրաժեշտությունը:
Էրդողանը Ռուսաստանի նախագահ Պուտինի հետ հանդիպում ու բանակցություն ունենալու նպատակով երկուշաբթի օրը ժամանել է Ռուսաստան: