«Բրիտանիան ֆինանսական օժանդակություն է ցուցաբերել ահաբեկիչներին օգնելու նախագծին». Guardian
Guardian օրաթերթի փոխանցմամբ՝ Բրիտանիան մի քանի միլիոն ֆունտ ստերլինգ գումար է հատկացրել սիրիացի ընդդիմադիրների շրջանում «Ազատ Սիրիայի» ոստիկանական ուժեր ստեղծելու նախագծին, բայց փաստորեն այդ գումարն իրականում ուղղված է ահաբեկիչներին:
Ըստ հաղորդման՝ Բրիտանիայի ԱԳ նախարարությունը դեկտեմբերի 3-ին հաստատեց, որ կառավարությունը կասեցրել է մի քանի միլիոն ֆունտ ստերլինգ արժողությամբ «Հասարակության անվտանգության ու արդարության ծրագիր» կոչվող մի նախագիծ, որը Սիրիայում ոչ-պետական ոստիկանական ուժեր ձևավորելու անվան տակ իրագործվում էր ահաբեկչական խմբերի օգտին:
Հալեպ նահանգում ոստիկանական ուժեր ստեղծելու պատասխանատուներն այդ փողերը տրամադրում էին այն ահաբեկիչներին, որոնց վերահսկողության տակ է գտնվում Նուրեդդինի շրջանը:
Բրիտանիան վեց երկրներից մեկն է, որն աջակցել է Սիրիայում ոչ պետական ոստիկանական ուժեր ստեղծելու նախաձեռնությանը: