Կիմ Չեն Ըն. Հյուսիսային Կորեան կմեծացնի իր միջուկային ուժերը
Դեկտեմբեր 13, 2017 14:56 Asia/Tehran
Հյուսիսային Կորեայի նախագահ Կիմ Չեն Ընը հայտարարել է, որ հյուսիսկորեացի գիտնականները եւ աշխատողները կշարունակեն «նորագույն զենքի եւ սարքավորումների» արտադրությունը «միջուկային ուժերի որակը եւ քանակը մեծացնելու համար» հայտնում է News.am-ը:
Նա համապատասխան հայտարարությունը կատարել է Hwasong-15 միջմայրցամաքային բալիստիկ հրթիռի հաջող փորձարկմանը նվիրված հանդիսավոր արարողության ժամանակ: Նա հայտարարել է, որ «այսպիսով ամբողջ աշխարհում կրկին ցուցադրվեց մեր հզոր երկրի արժանապատվությունն ու ուժը»:
Կիմ Չեն Ընն անձամբ է մեդալներով պարգեւատել նրանց, ովքեր մասնակցել են հրթիռի ստեղծմանն ու փորձարկմանը:
Նա հայտարարել է, որ Հյուսիսային Կորեան պետք է ավելի շատ տարբեր զենք մշակի ու արտադրի:
lratvakan.am
