Հյուսիսային Կորեան հայտարարել է միջուկային ուժի ավելացման մասին
Հյուսիսային Կորեան մտադիր է շարունակել հզորացնել իր միջուկային ուժը:
«ՌԻԱ Նովոստին» հաղորդում է, որ այս մասին ասվում է Կորեայի կենտրոնական հեռագրային գործակալության հայտարարության մեջ, որը հանդիսանում է պետության խոսափողը:
«Մեր կուսակցությունը եւ պետությունը՝ նշելով սոցիալիստական Կորեայի նոր տարվա ուղին, հայտարարում են իրենց սկզբունքային դիրքորոշումները: Մենք մեծացնելու ենք պաշտպանական ուժը եւ հարվածը կանխելու ունակությունը, այնքան ժամանակ քանի դեռ ԱՄՆ կամ իրենց կամակատարների կողմից միջուկային սպառնալիքը կպահպանվի», — նշվում է հայտարարության մեջ:
Հայտարարության մեջ հիշատակվում է սեպտեմբերի 3-ի ջրածնային ռումբի հաջող փորձարկման մասին, որն անվանվել է «մեծ հաղթանակ, որը Հյուսիսային Կորեային բարձրացրել է համաշխարհային տերության աստիճանի»:
Ընդգծվում է, որ ԿԺԴՀ միջուկային զենքի շնորհիվ կանխվեց միջուկային պատերազմը:
ԿԺԴՀ-ն սեպտեմբերին 3-ին հայտարարեց ջրածնային ռումբի հաջող փորձարկման մասին: Սա Հյուսիսային Կորեայի 6-րդ միջուկային փոձարկումն էր: Դրանից մի շաբաթ առաջ ԿԺԴՀ-ն իրկանացրել էր բալիստիկ հրթիռի փորձարկումներ, որն անցել էր Ճապոնիայի տարածքով:
Այդ կապակցությամբ ՄԱԿ ԱԽ-ն միաձայն ԿԺԴՀ դեմ նոր պատժամիջոցներ էր սահմանել, որոնք նշանակալիորեն սահմանափակում են Փհենյանի արտահանման եւ ներկրման հնարավորությունները: 2375 բանաձեւը սահմանել է XXI դարում ՄԱԿ պատժամիջոցների ամենախիստ ռեժիմը:
News.am
