Թրամփը դրական է գնահատել Հյուսիսային Կորեայի դեմ սահմանված պատժամիջոցների ազդեցությունը
ԿԺԴՀ-ի դեմ սահմանված պատժամիջոցներն ազդեցություն են գործել:
Ինչպես գրում է lenta.ru-ն, նման կարծիք է հայտնել ԱՄՆ նախագահ Դոնալդ Թրամփը:
«Պատժամիջոցներն ու մյուս ճնշումներն սկսել են մեծ ազդեցություն գործել: Հրթիռ-մարդը (ԿԺԴՀ առաջնորդ Կիմ Չեն Ընը) առաջին անգամ ցանկանում է խոսել Հարավային Կորեայի հետ: Հնարավոր է՝ դա լավ լուր է, հնարավոր է՝ ոչ, կտեսնենք», - գրել է Թրամփը Twitter-ում:
Սեուլը հունվարի 2-ին Փհենյանին առաջարկել է բանակցություններ սկսել բարձր մակարդակով: Բանակցությունների ժամանակ առաջարկվում է քննարկել նաև 2018-ի փետրվարին հարավկորեական Փհենչհանում անցկացվելիք Օլիմպիադան:
Առաջարկը հաջորդել է Կիմ Չեն Ընի ամանորյա ելույթին, որի ժամանակ հյուսիսկորեացի ղեկավարը հայտարարել է, որ երկիրը մարզիկներ կուղարկի՝ մասնակցելու Օլիմպիական խաղերին:
Tert.am