Շվեդիայի ԱԳ նախարարը դեմ է Իրանում վերջին անհանդարտություններն ԱԽ-ում քննարկելուն
Շվեդիայի ԱԳ նախարարը մերժելով Իրանում վերջին անհանդարտությունների հարցով ԱԽ-ի արտահերթ նիստ գումարելու կապակցությամբ ԱՄՆ-ի առաջարկին, ասաց. «ԱԽ-ի առաքելությունը միջազգային խաղաղության ու անվտանգության հետ կապված հարցերին հետևելն է»:
«Ֆարս» լրատվական գործակալության հաղորդման համաձայն, Շվեդիայի ԱԳ նախարար Մարգութ Վալստրումն անդրադառնալով Իրանում անհանդարտությունների հարցը ՄԱԿ-ի ԱԽ-ում քննարկելու ԱՄՆ կառավարության ցանկությանը, հավելեց. «Այս խորհուրդը պարտականություն ունի քննարկել միջազգային անվտանգության ու խաղաղության հետ կապված հարցեր: Իրանի ներկա վիճակը քննարկելու տարբերակներ կան և սա ներքին միջամտություն է համարվում»:
ՄԱԿ-ում ԱՄՆ ներկայացուցիչ Նիքի Հեյլին ՄԱԿ-ի ԱԽ-ից ու Մարդու իրավունքների խորհրդից պահանջել է Իրանում վերջին անհանդարտությունների քննարկման հարցով արտահերթ նիստ գումարել:
Համաձայն այս հաղորդման, ՄԱԿ-ում ԻԻՀ մշտական ներկայացուցչությունը չորեքշաբթի օրը բողոքեց Իրանի ներքին հարցերին ԱՄՆ-ի միջամտության ու խռովարարների խափանարարական քայլերին ցուցաբերված հովանավորության դեմ:
