Հյուսիսային Կորեան դեմ է միջուկային բանակցությունների անցկացմանը
Հյուսիսային Կորեան հայտարարել է, որ իր միջուկային սպառազինության վերաբերյալ չի բանակցելու Սեուլի հետ:
Reuters գործակալության հաղորդման համաձայն՝ երեքշաբթի օրը Փանմունջոմ սահմանային գյուղում Հյուսիսային և Հարավային Կորեաների ներկայացուցիչների միջև 11 ժամ տևած բանակցությունների արդյունքում Փխենյանը համաձայնել է մարզիկներ ուղարկել Հարավային Կորեայում փետրվարին կայանալիք ձմեռային օլիմպիական խաղերին, բայց Հյուսիսային Կորեան չի ընդունել իր միջուկային զինաթափման մասին բանակցություններ անցկացնելու Սեուլի առաջարկը:
Կորեական թերակղու միջուկային հարցերում Հարավային Կորեայի ներկայացուցիչ Լի Դո Հունն ասել է.«Հյուսիսային Կորեայի հետ կայացած համաձայնության արդյունքում երկու Կորեաները որոշեցին բանակցություններ անցկացնել տարածաշրջանում լարվածության թուլացման համար»:
Երկու Կորեաների միջև խաղաղության կոմիտեի պատասխանատու՝ Ռի Սոն Գաունը Հարավային Կորեայի հետ բանակցության համար հայտարարել է.«Միջուկային սպառազինության շուրջ բանակցությունների նպատակն է իրականացնել Փխենյանի միջուկային զինաթափմանն ուղղված ԱՄՆ-ի նպատակը»:
Հյուսիսային Կորեան հայտարարել է.«Քանի դեռ ԱՄՆ-ն այս երկրի դեմ իր թշնամական քաղաքականությունը մի կողմ չի դրել , Փխենյանը երբեք իր միջուկային ծրագրի վերաբերյալ չի բանակցելու»:
