ԱՄՆ և Չինաստանի նախագահները քննարկել են Հյուսիսային Կորեայի շուրջ ստեղծված իրավիճակը
ԱՄՆ և Չինաստանի նախագահներ Դոնալդ Թարմփը և Սի Ծինփինը հեռախոսազրույցի ընթացքում քննարկել են Հյուսիսային Կորեայի շուրջ ստեղծված ճգնաժամային իրավիճակի կարգավորման ուղիները:
Ինչպես հաղորդում է «Արմենպրես»ը՝ վկայակոչելով «ՌԻԱ Նովոստի»ն, այս մասին տեղեկացնում է Սպիտակ տան մամուլի ծառայությունը: «Նախագահ Դոնալդ Թրամփը հեռախոսով զրուցել է Չինաստանի Ժողովրդական Հանրապետության նախագահ Սի Ծինփինի հետ և քննարկել կորեական թերակղզում տեղի ունեցած վերջին զարգացումները: Նախագահները ողջունել են միջկորեական երկխոսությունը և հույս են հայտնել, որ այն կարող է փոխել Հյուսիսային Կորեայի ապակառուցողական դիրքորոշումը», նշվում է Սպիտակ տան հաղորդագրության մեջ: Հեռախոսազրույցի ընթացքում Թրամփը նշել է, որ շարունակելու է համաշխարհային դիվանագիտական ճնշում գործադրելուն ուղղված արշավը, որպեսզի Հյուսիսային Կորեան համաձայնվի թերակղզին ազատել միջուկային զենքից:
armenpress.am