Մաքքեյնը քննադատել Է Թրամփին Պուտինին շնորհավորելու համար
ԱՄՆ սենատոր Ջոն Մաքքեյնը քննադատել է նախագահ Դոնալդ Թրամփին` Ռուսաստանի նախագահ Վլադիմիր Պուտինին վերջին ընտրություններում հաղթելու կապակցությամբ շնորհավորելու համար:
«Հիլ» ցանցի հաղորդման համաձայն՝ Հանրապետական սենատոր Ջոն Մաքքեյնն ասել է.-«Թրամփն այդ քայլով վիրավորեց այդ երկրի քաղաքացիներին»:
Մաքքեյնի խոսքով՝ այդ հեռախոսազանգը «վիրավորել է Ռուսաստանի յուրաքանչյուր քաղաքացու, որը զրկված էր ազատ կամաարտահայտման իրավունքից, ազատ ընտրությունից և իր երկրի ապագան որոշելու հնարավորությունից»:
Մաքքեյնը իր հայտարարության մեջ Պուտինին դիկտատոր է անվանել, և ասել է, որ Ռուսաստանի նախագահական ընտրությունները կեղծ են ևհակասում են համաշխարհային չափանիշներին:
Պուտինը կիրակի օրը կայացած ընտրություններում հաղթելով, չորրորդ անգամ ընտրվեց ՌԴ նախագահ: Նրան իրենց ձայնն էին տվել ընտրողների 76 /6 տոկոսը:
Մարտի 20-ին Թրամփի և Պուտինի միջև կայացել է հեռախոսազրույց, որի ընթացքում ԱՄՆ-ի ղեկավարը ՌԴ նախագահին շնորհավորել է ընտրություններում տարած հաղթանակի առթիվ:
