Պուտինը մերժել է Սիրիայի դեմ ուղղված Արևմուտքի մեղադրանքները
Ռուսաստանի նախագահը Գերմանիայի կանցլերի հետ հեռախոսազրույցում մերժել է քիմիական զենքի օգտագործման կապակցությամբ Սիրիայի դեմ ուղղվծ արևմտյան երկրների մեղադրանքը:
ԻՌՆԱ-ի հաղորդման համաձայն, Ռուսաստանի նախագահ Վլադիմիր Պուտինը երկուշաբթի երեկոյան Գերմանիայի կանցլեր Անգելա Մերկելի հետ հեռախոսազրույցում քննարկելով Սիրիայի վերջին զարգացումները, դատապարտել է Սիրիայի դեմ ցանկացած տեսակի հրահրիչ քայլերն ու շշուկների տարածումն, այդ թվում Դումայի տարածքում Սիրիայի բանակի կողմից քիմիական զենի օգտագործման հետ կապված վերջին հայտարարությունը:
Պուտինը միևնույն ժամանակ ընդգծել է ՄԱԿ-ի ԱԽ-ի թիվ 2401 բանաձևի շրջանակներում Սիրիայում կարիքավոր անձանց հումանիտար օժանդակություններ ցուցաբերելու հարցում միջազգային ջանքերի համադրման անհրաժեշտությունը:
Հեռախոսազրույցի ժամանակ Ռուսաստանի նախագահն ու Գերմանիայի կանցլերը հանգամանորեն անդրադարձել են Մինսկի համաձայնագրի գործադրման շրջանակում Ուկրաինայի արևելյան ու հարավային տարածքներում տիրող իրավիճակին:
