Մեկնարկել է երկու Կորեաների ղեկավարների հանդիպումը
Հարավային Կորեայի Փանմունջում սահմանային գյուղում մեկնարկել է երկու Կորեաների ղեկավարների պատմական հանդիպումը:
ԻՌՆԱ-ի հաղորդման համաձայն, Հյուսիսային Կորեայի առաջնորդ Կիմ Չեն Ինըին դիմավորվել են արարողակարգային շտաբի ղեկավարը և Հարավային Կորեայի նախագահ Մուն Ջաե ինը: Կողմերի միջև սկսվել են բանակցությունները:
Համաձայն Հարավային Կորեայի նախագահի գրասենյակի հայտարարության, երկու Կորեաների ղեկավարներ Կիմ Չեն Ինը և Մուն Ջաե-ինը և նրանց ընկերակցող պատվիրակություններն այս հանդիպման ժամանակ զրուցելու են Կորեական թերակղզու ճգնաժամի կարգավորման և տարածաշրջանում կայուն խաղաղության երաշխավորման ու բարեկեցության թեմաների շուրջ:
Կողմերն ի նշան խաղաղության ու ծաղկման, մի նոճի տնկեցին սահմանային տարածքում և միասնաբար այն ջրեցին:
ԻՌՆԱ-ի հաղորդման համաձայն, Կիմ Չեն Ինն Ունն ուրբաթ օրը Փանմունջում գյուղում երկու Կորեաների ղեկավարների բանակցությունների մեկնարկից առաջ ասաց. «Այս նիստում մտքերի փոխանակում է կատարվելու տարածաշրջանային վերջին զարգացումների, համաշխարհային հարցերի և Կորեական թերակղզում միջուկային հարցերի կարգավորման շուրջ»:
Մուն Ջաե-ինը նույնպես հույս հայտնեց, որ Հյուսիսային Կորեայի առաջնորդ Կիմ Չեն Ինին հետ հանդիպումը կհանգեցնի Կորեական թերակղզու տարածքում խաղաղության ու կայունության հաստատմանն ու անվտանգության ապահովմանը:
