Թրամփը տարակուսանք է հայտնել Հյուսիսային Կորեայի առաջնորդի հետ բանակցությունների արդյունքների վերաբերյալ
Միացյալ Նահանգների նախագահը տարակուսանք է հայտնել Հյուսիսային Կորեայի առաջնորդի հետ բանակցությունների արդյունքների վերաբերյալ: Այս մասին հաղորդել է Business Insider տեղեկատվական կայքը:
Հյուսիսային Կորեայի առաջնորդ Կիմ Չեն Ընի հետ հանդիպումից հետո Միացյալ Նահանգների նախագահ Դոնալդ Թրամփը մամլո ասուլիսի ժամանակ հերթական անգամ տարակուսանք է հայտնել Հյուսիսային Կորեայի նկատմամբ իր վարած քաղաքականությունների կապակցությամբ:
«Հնարավոր է՝ վեց ամիս անց ես խոստովանեմ այս կապակցությամբ իմ սխալը»․ասել է նա:
ԱՄՆ-ի Սենատի արտաքին հարաբերությունների կոմիտեի ավագ անդամ Բոբ Մենենդեսը քննադատել է Կիմ Չեն Ընի հետ Թրամփի՝ առանց հստակ ռազմավարության հանդիպումը: Նա ասել է. «Նախագահը գուցե հասկացել է,որ դիվանագիտության արվեստը ավելի բարդ է, քան գործարքի արվեստը և պետք է ցույց տա, որ ռազմավարություն ունի Հյուսիսային Կորեայի նկատմամբ»:
Բոբ Մեմենդեսը հույս է հայտնել, որ դիվանագիտության և Հյուսիսային Կորեայի միջուկային կարողության ոչնչացնելու լուրջ հանձնառության միջոցով հնարավոր կլինի գտնել խաղաղության հասնելու իրական ու կայուն ճանապարհը:
