Միջազգային 20 կազմակերպություններ նամակով մերժել են ԱՄՆ-ի հայտարարությունը Մարդու իրավունքների խորհրդի դեմ
Միջազգային 20 անկախ կազմակերպություններ նամակով մերժել են ԱՄՆ-ի հայտարարությունը՝ ՄԱԿ-ի Մարդու իրավունքների խորհրդից հրաժարվելու մասին և պաշտպանել են այդ խորհրդի գործելակերպը:
«Պոլիտիկո» կայքի հաղորդման համաձայն, այդ կազմակերպությունները մերժել են ՄԱԿ-ում ԱՄՆ-ի ներկայացուցիչ Նիկի Հեյլիի հայտարարությունն այն մասին, որ մարդու իրավունքների պաշտպան կազմակերպությունները դերակատար են Մարդու իրավունքների խորհրդից Վաշինգտոնի դուրս գալու հարցում և հայտնել են իրենց մտահոգությունը Մարդու իրավունքների խորհրդի կառուցվածքը փոխելու ԱՄՆ-ի քայլերի կապակցությամբ:
Նամակում, որը ստորագրվել է նաև Amnesty International և Human Rights Watch կազմակերպությունների կողմից, նշված է, որ ՄԱԿ-ի Մարդու իրավունքների խորհրդից հրաժարվելու Վաշինգտոնի որոշումը հիմնված է Իսրայելի ռեժիմին հովանավորելու Թրամփի կառավարության կողմնորոշման վրա:
Անցած շաբաթ, բողոքելով պաղեստինցիների դեմ Իսրայելի ռեժիմի ոճրագործություններին դիմակայելու ՄԱԿ-ի Մարդու իրավունքների խորհրդի դիրքորոշման դեմ, ԱՄՆ-ի կառավարությունը դուրս եկավ այդ խորհրդի կազմից:
ՄԱԿ-ի Մարդու իրավունքների խորհուրդը բազմիցս բողոքել է պաղեստինցիների մարդկային իրավունքները ոտնահարելու Իսրայելի ռեժիմի քայլերի դեմ:
