ԱՄՆ-ը փորձում է խախտել Հյուսիսային Կորեայի հետ համաձայնությունը
ԱՄՆ հետախուզական գործակալությունները փորձում են խախտել Հյուսիսային Կորեայի հետ կայացած համաձայնությունը: Կազմակերպությունները հայտարարել են, որ Հյուսիսային Կորեան փորձ է արել ավելացնել միջուկային վառելիքի արտադրությունը:
ԱՄՆ-ի հետախուզության մի շարք պաշտոնյաներ պնդել են, որ Հյուսիսային Կորեան ավելացրել է միջուկային վառելիքի արտադրությունը՝ Վաշինգտոնի հետ միջուկային բանակցություններում առավել արտոնություններ շահելու համար: Այս մասին հաղորդում է CNN ամերիկյան լրատվական ցանցը:
ԱՄՆ-ի հետախուզական ծառայուլթունների պաշտոնյաները պնդում են, որ Հյուսիսային Կորեան առնվազն մեկ գաղտնի միջուկային օբյեկտ է ունեցել, որում շարունակել է իրագործել գաղտնի միջուկային գործունեություն և փորձում է Թրամփի կառավարությունից ստանալ ավելի շատ արտոնություններ :
ԱՄՆ նախագահ Դոնալդ Թրամփը և Հյուսիսային Կորեայի առաջնորդ Քիմ Չեն Ընը հունիսի 12-ին Սինգապուրում հանդիպել և պայմանավորվել են միջուկային զինաթափման շուրջ, սակայն կողմերի միջև ստորագրված համաձայնագրում չեն նշվել զինաթափման գործընթացի մանրամասները և ժամկետները: