ՆԱՏՕ-ի հարձակումներից հետո Լիբիայում քաղցկեղով հիվանդանալու դեպքերն ավելացել են
Լիբիացի գիտահետազոտող Նուրի Ալ-Դարուղին ասել է.«2011 թ. Հյուսիսատլանտյան դաշինքի կազմակերպություն՝ ՆԱՏՕ-ի անդամ երկրների կողմից իրականացված ռմբակոծումներից հետո Լիբիայում ավելացել են քաղցկեղի դեպքերը»:
Սպուտնիկ լրատվական գործակալությանը տված հարցազրույցում, Լիբիայի միջուկային հետազոտությունների կենտրոնի հետազոտող և ռադիոլոգիայի մասնագետ Նուրի Ալ-Դարուղին հայտարարել է.«Լիբիայի մի խումբ միջուկաբան-գիտնականներ ներկայացրել են զեկույց, որի համաձայն՝ ՆԱՏՕ-ն այդ երկրի վրա իրականացրած հարձակման ժամանակ օգտագործել է չհարստացված ուրան պարունակող ռումբեր»:
Նուրի Ալ-Դարուղին հավելել է. «Կատարված հետազոտությունների համաձայն՝ այս շրջաններում պայթյունների հետևանքով ռադիոակտիվ նյութերի կամ գազի տարածման պատճառով քաղցկեղով հիվանդանալու դեպքերն ավելացել են»:
Լիբիացի գիտահետազոտողի հայտարարության համաձայն՝ մինչ այսօր ուրանի հետքեր կան Տրիպոլիում: Գիտնականների թիմեր են գործուղվել այլ քաղաքներ ու շրջաններ ստուգումներ անցկացնելու նպատակով: