د شیعه علماو شورا د طالبانو د کابینې په جوړښت نیوکه وکړه
زمونږ خبریال وايي د افغانستان د شیعه علماو شورا د طالبانو ډلې د موقته کابینې جوړښت د هیواد د خلکو د هیلي پرخلاف وباله .
د افغانستان د شیعه علماو شورا پرون وویل په هیواد د طالبانو له کنټرول وروسته او دغه راز د افغانستان د خلکو د منلو وړ اسلامي نظام او د موجودو اسلامي مذهبونو د ټولو پیروانو ، قومونو او پرګنو د هیندارې او د ټول شموله حکومت د رامینځته کولو په هکله نړیوالې ټولنې او د افغانستان خلکو ته د طالبانو د ژمنې پراساس د افغانستان له ټولو قومونو او په تیره بیا له شیعه مسلمانانو څخه د وړ کسانو له شتون پرته د نوي کابینې اعلانول د خلکو د تمې پرخلاف کار دی .
د افغانستان د شیعه علماو شورا په بیانیې کښې ویل شوي دي د طالبانو کابینه چې ټول قومونه او پرګنې پکښې ګډون نه لري د افغانستان په ګټه او صلاح نه ده او دغه مسله به د افغانستان او د ټولنې لپاره یوشمیر مشکلات رامینځته کړي .
د افغانستان د شیعه علماو شورا په طالبانو غږ وکړ د ټول شموله کابینې د جوړولو او د خپلو ژمنو د تحقق لپاره په افغانستان کښې د موجودو مشکلاتو د حل لپاره د ورورګلوۍ ، اخوت او د ملګرتیا لپاره اقدام وکړي او مثبتې زمینې رامینځته کړي .
