افغانستان له پاکستان سره په ګډه پوله د پوستو شمیر زیاتوي

په افغانستان کښې د طالبانو حکومت له پاکستان سره د ډیورنډ پر پوله د خپلو سرحدي پوستو شمیر زیاتوي

په افغانستان کښې د طالبانو د موقته حکومت یو امنیتي چارواکي مولوي وحید ا... محمدي نن وویل چې د هیواد ددفاع وزارت به حکم به د کنړ ولایت په سرکاڼو ولسوالۍ کښې له پاکستان سره په ګډ سرحد کښې نوې پوستې جوړوي.

وحید ا... محمدي زیاته کړه چې د دغو پوستو د جوړولو موخه په سیمه کښې د خرابونکو فعالیتونو مخنیوی او د خلکو د امنیت تامینول دي.

د ویلو ده چې په کنړ ولایت کښې د افغانستان سرحدي سیمې اکثره وختونه له راکټي بریدونو سره مخامخیږي او پاکستان ادعا کوي چې دغه حملې په سیمه کښې د موجودو پاکستاني طالبانو له خوا ترسره کیږي.