یونیسف د افغانستان له کورنیو سره نغدې مرستې کوي
ایرنا خبري اژانس وايي د ملګروملتونو د ماشومانو د ملاتړ صندوق یونیسف وویل چې د روان کال په ژمي موسم کښې د افغانستان له یولک یولس زره کورنیو سره نغدې مرستي کوي.
یونیسف پرون وویل نغدې مرستې د افغانستان د کورنیو د ملاتړ لپاره یوه تر ټولو ښه لاره ده.
دغه ارګان وویل په افغانستان کښې په میلیونو خلکو د خپلو کورنیو لپاره د لومړیو ضرورتونو او د خوراکي شیانو د تامینولو وس نلري.
د ملګروملتونو د ماشومانو د ملاتړ صندوق یونیسف وویل روان ژمی به د افغانستان د خلکو حالات نور هم پسې خراب کړي.
د افغانستان له کورنیو سره د یونیسف نغدې مرستې په داسې حال کښې دي چې د سره صلیب د نړیوالې کمیټۍ د عملیاتي برخې مشر مارټین شویپ په تیرې یکشنبې ورځې روان ژمي ته په اشارې سره ویلي وو چې د افغانستان خلک له سختې بې وزلۍ او ناروغیو سره مخامخ دي.
په افغانستان کښې د ملګروملتونو د بشر دوستانه مرستو غږملونکي دفتر هم ویلي وو چې د افغانستان څه د پاسه څلرویشت میلیونه خلک بشر دوستانه مرستو ته ضرورت لري.
