د اشرف غني حکومت تر ټولو خطرناک مجرمان خوشي کړي وو
صدای افغان خبري اژانس وايي د افغانستان پخواني لوی څارنوال فرید حمیدي د پخواني ولسمشر اشرف غني په حکومت کښې له پراخ فساد پرده پورته کړه.
هغه وویل د افغانستان پخواني ولسمشر اشرف غني د طالبانو د ځواکونو د خوشي کولو په پلمه کابو اوه سوه(۷۰۰) تر ټولو خطرناک مجرمان ازاد کړي وو.
د افغانستان پخواني لوی څارنوال فرید حمیدي وویل پخواني ولسمشر اشرف غني له زندان څخه د طالبانو د غړیو د ازادولو په پلمه ګڼ شمیر هغه کسان خوشي کړي وو چې د خلکو په تښتونې ، په خلکو باندې جنسي تیریو او د نشه ییزو موادو په قاچاق کښې یې لاسونه لرل.
هغه په دې خبرې سره چې دغه اوه سوه کسان تر ټولو خطرناک مجرمان ګڼل کیدل د دغه خوشي کیدا دلیل د اشرف غني په حکومت کښې په لوړه سویه فساد وباله.
حمیدي زیاته کړه د طالبانو په پینځه زره نیول شویو غړیو کښې ولسمشر اشرف غني له زندان څخه اوه سوه تر ټولو خطرناک مجرمان خوشي کړي دي کوم چې د طالبانو ډلې غړي نه و او دغه کسان باید د خوشي کیدونکو کسانو په فهرست کښې نه وائ.
