له ګاونډیانو سره د افغانستان تجارت لا ښه شوی دی
د افغانستان د طالبانو د موقته حکومت د خارجه وزوارت سرپرست په یولړ څرګندونو کې ووئيل، په تیرو پنځلسو میاشتو کې چې طالبانو واک ترلاس کړی دی ،له ګاونډیانو سره د افغانستان تجارت لاښه شوی دی.
ایرنا خبری اژانس راپور ورکړ ، مولوی امیر خان متقي دافغانستان په هرات کې د افغانستان د خارجه وزارت د نمایندګۍ دنوي ودانۍ په پرانیستونکودستورو کې پخپلې وینا کې ووئيل، په هرات ولایت کې چې له ترکمنستان او ایران هیوادونو سره ګډې پولې لري ،هڅه شوې ده څوتجارتي بهیر ئې د تیر په نسبت ښه شي.
هغه په دوام کې ووئيل، په تیرو پنځلسو میاشتو کې چې طالبان واک ته رسیدلي دي ، له ګاونډیو هیوادونو سره تجارت لاښه شوی دی. امیر خان متقي همداراز یادونه وکړې ده ، ددغه ولایت امنیت ښه د ی او باید دهرات ولایت په څير په ولایتونو کې خدمت هم په لاښه ډول وشي.
د افغانستان خارجه وزیر ټينګار وکړ، په دغه شان شرائطو کې چې د هیواد په سویه په تیره بیا ددغه ولایت په سویه امنیت ښه دی،د طالابنو درست مسئولان باید هڅه وکړي د صنعت،تعلیم په څير په مختلفو برخو کې دسیمې او نړۍ له هیوادونو سره په تعامل سره کار وکړي.
په عین حال کې په هرات کې د خارجه وزارت د نمایندۍ مرستیال رحمت ا... فیضان هم ووئيل، ددغې درې پوړیزې ودانۍ تعمیرات پاي ته رسیدلي او لګښت ئې هم دوه څلویښت میلیون افغانۍ دی. ددغې نمایندګۍ په سویه به د کنسولي مدیریّت تشریفاتو مدیریّت او اداري او ملل متحد دبرخې مدیریّت فعالیتونه وکړي. او دغه راز به د پولو ،پاسپورټونو او سیاسی چارو په برخو کې هم غوره فعالیتونه وکړي.
