په ایران کې په مصنوعي ځیرکتیا سره د فضایی ټیکنا لوجیو پراختیا

پارس ټو ډی - د ایران د فضایي چارو کارپوه وویل: د ریموټ سنجولوپه برخه کې یو له سترو بدلونونو د سپوږمکۍ د انځورونو د کیفیت د ښه کولو لپاره د مصنوعي ځیرکتیا پراخه کارول دي.

د ایران اسلامي جمهوریت په وروستیو څو لسیزو کښې د فضايي ټیکنالوژۍ او د ریموټ سنجولو سپوږمکیو د پراختیا لپاره پراخې هڅې کړي او په دې برخه کښې یې د پام وړ لاسته راوړنې لرلې دي. د پارس ټوډې د راپور له مخې، د ایران د فضایي تکنالوژۍ او فضایي اقتصاد کارپوه احمد سلیماني له تسنیم خبری اژانس سره په مرکه کښې وویل: یوه له مهمو مسئلو چې په وروستیو میاشتو کښې یې د ډیرو کارپوهانو او پالیسي جوړونکو پام ځان ته اړولی دی،له  مصنوعي ځیرکتیا جدي استفاده ده.  تر دې چی د اسلامي انقلاب معظم رهبر له ځوانو شخصیتونواو پوهانو  سره په خپله وروستۍ کتنه کښې په دغه ډګر کښې راتلونکی د دغه هیواد له مهمو لومړیتوبونو وباله.

سلیماني وویل: مصنوعي هوښیارتیا د فضا په صنعت کې د بدلون د رامنځ ته کولو وړتیا لري او د سترو سپوږمکۍ ډیټا د مدیریت او تحلیل، د سپوږمکۍ دقیق او اتوماتیک کنټرول، د فضايي ماموریتونو غوره پلان جوړونه، وړاندوینه په شمول په مختلفو برخو کې کارول کیدی شي. او په سپوږمکۍ کې د لانچ د خطرونو کمول، د اتوماتیک روبوټونو اندازه کول او امیجنگ مهم رول لوبوي.

د ایران اسلامي جمهوریت له نړیوالو بندیزونو او محدودیتونو سره سره په دې وتوانید چې د ریموټ سنجولوسپوږمکۍ او تحقیقي سپوږمکۍ په جوړولو کې پراخې بریاوې ترلاسه کړي. "چمران 1" څیړنیزه سپوږمکۍ چې د ایران د الکترونیکي صنایعو د فضایي ګروپ (سیران) لخوا د فضايي څیړنو د انستیتوت او د خصوصي ایراني پوهه لرونکو شرکتونو په همکارۍ ډیزاین او جوړه شوې وه، د ۲۰۲۴ کال د سپتمبر په ۱۴مه نیټه وتوغول شوه. "قایم  100" سپوږمکۍ په بریالیتوب سره مدار ته داخله شوه، چې 550 کیلومتره لیرې و او دا اقدام په بهرنیو رسنیو کې په پراخه کچه منعکس شو.

خیام سپوږمکۍ هم د ایران یو له نویو سپوږمکیو ده چې د لوړ دقیق عکس اخیستلو وړتیا لري او ایران ته اجازه ورکوي چې د طبیعي زیرمو اداره کولو، کرنې او د چاپیریال بدلونونو د څارنې لپاره د لیرې سنجولو  ډیټا ګټه پورته کړي.

تر دې وړاندې نوید سپوږمکۍ په ۱۳۹۰ کال کې توغول شوې وه او د سیمه ییزو ټیکنالوژیو په کارولو سره د ایران د اقلیم او نباتاتو په اړه مهم معلومات وړاندې کوي.

له بلې خوا، "PARS 1 او 2" سپوږمکۍ د ایران له  پراختیایي پروژو دي چې کولی شي د طبیعي زیرمو د مدیریت په ښه کولو، د چاپیریال په څارنه او د څو اړخیزو معلوماتو راټولولو او انځور کولو سره د ایران له  کرنې اقتصاد سره مرسته وکړي.

دا سپوږمکۍ د لوړ ریزولوشن او ډیر عکس العمل دقت سره کولی شي له ایران سره مرسته وکړي چې د سرچینو اداره کولو او د چاپیریال او اقلیم بدلونونو څارنه کې په ځان بسیا شي.

په دې اساس احمد سلیمانی د ایران په فضای صنعت کښې د مصنوعی هوښیارتیا پراخې کارونې ته په اشارې سره وویل: مصنوعی هوښیاری کولای شی د فضایی تیکنالوژۍ د پراختیا سرعت او دقت د پام وړ زیات کړی.

کلیدي ټکي: د ایران د فضا صنعت، د ایران سپوږمکۍ توغول، د ایران فضايي پرمختګونه، په ایران کې د توغندیو تولید، په ایران کې مصنوعي ځیرکتیا