ملګروملتونو یوځل بیا د افغانستان په طالبانو نیوکه وکړه
شفقنا خبري اژانس راپور راکړی په افغانستان کښې د ملګروملتونو دفتر یوناما د ښځو په زده کړې کښې محدودیت د بشري حقوقو ښکاره مصداق وباله.
یوناما د زده کړې د نوي کال د پیلیدا په مناسبت نن په یوه ټویټر پیغام کښې د افغانستان د ښځو او انجلیو پرمخ د ښوونځیو او د پوهنتونونو د تړلو دوام د بشري حقوقو خلاف ورزۍ او د ځان ځورول وبلل.
په دغه پیغام کښې ویل شوي دي یوه میاشت وروسته د زده کونکو او د محصیلینو پرمخ د افغانستان د ښوونځیو او د پوهنتونونو دروازې پرانیستل کیږي خو د انجلیو لپاره نه.
یوناما یوځل بیا د افغانستان په طالبانو غږ وکړ چې د ژوند د اقتصاد او د راتلونکي د محافظت لپاره زر د افغانستان د ښځو او د انجلیو پرمخ د ښوونځیو او د پوهنتونونو دروازې خلاصې کړي.
طالبانو د انجلیو او د ښځینه زده کونکو او د محصیلینو د زده کړې پرضد د خپلې فیصلې د توجیه لپاره ادعا کړي وه چې د اسلامي تعلیماتو پراساس یې دغه فیصله کړي ده.
خو د ایران د اسلامي جمهوریت په شمول ډیرو اسلامي هیوادونو او د مصر د الازهر پوهنتون په شمول ارګانونو د طالبانو دغه فیصله ناسمه بللي ده او د دغه ډلې فیصله یې د اسلامي تعلیماتو خلاف ورزۍ ګڼلي ده.
