طالبانو د کابل پرونۍ بم چاودنه تائید کړه

صدای افغان خبري اژانس راپور ورکړی د طالبانو چارواکو په نهایت کښې په کابل کښې بم چاودنه تائید کړه.

پرون په کابل کښې بم چاودنې کومه مرګ ژوبله نلرله خو یوازې یې یوه ګاډي ته تاوان رسولی و.

د کابل د امنیتي ځواکونو ویاند خالد ځدران د پرونۍ بم چاودنې په هکله وویل پرون سهار لس نیمې بجې په دوهمې امنیتي حوزې کښې یو شخصي ګاډی په مقناطیسي بم سره ولوزول شو.

په کابل کښې ځینو سرچینو دغه بم چاودنه د دفاع وزارت ته نږدې واټ کښې بللي ده.

تراوسه کومې ډلې یا سړي د دغه بم چاودنې  مسوولیت پرغاړه نه دی اخیستی.