د افغانستاني ښاریزو وړومبۍ ډله له سوډانه ووتله
د طالبانو د خارجه وزارت د اعلان له مخې، د افغانستاني ښاریزو وړومبۍ ډله له سوډانه وتلې او سعودي عربستان ته منتقله شوه
د فارس خبري آژانس د رپورټ له مخې، د طالبانو د موقته حکومت د بهرنیو چارو وزارت وویل چې د افغانستاني ښاریزو وړومبۍ ډله د عربستان په مرستې سره له سوډانه ووتله.
د طالبانو خارجه وزارت ویلي چې دغې ډلې له افغان ښاریزو غوښتي چې په لنډمهاله توګه د عربستان جدي ښار ته منتقل شي خو د دغو کسانو کره شمیر نه دی معلوم.
د طالبانو د بهرنیو چارو وزارت همداشان زیاته کړې چې ټاکل شوې ژغورل شوي کسان له جدې نه افغانستان ته ستانه کړی شي.
دغې وزارتخانې ډاډ ورکړی چې په سوډان کښې د ګیر شویو افغان ښاریزو د ژغورنې لپاره به خپل ټول توان وکاروي.
د طالبانو د خارجه وزارت سرپرست امیر خان متقي څو ورځې مخکښې ویلي وو چې د افغانستان ۱۲۰ تنه ښاریز د سوډان په جنګ کښې ګیر شوي دي.
په سوډان کښې د اپریل له پنځلسمې نیټې څخه د دغه هیواد د پوځ او «د چټک ملاتړ ځواکونو» ترمینځ نښتې پیل شوې دي چې له امله یې تراوسه سلګونه تنه مړه او ژوبل شوي دي.
ښکیل لوري د ۳ ورځني اوربند په سر موافقې ته رسیدلي دي او د نړۍ مختلف هیوادونه هڅه کوي چې په دې فرصت کښې خپل ښاریز له سوډانه وباسي.
