طالبان مدعي شول چې په افغانستان واکمن حکومت پراخ بنسټه دی
د طالبانو خارجه وزیر د نړۍ د هیوادونو د غوښتنو په ځواب کښې وویل چې د دغې ډلې سرپرست حکومت ټول شموله دی او د افغانستان ټول قومونه په کښې ونډه لري.
د فارس خبري آژانس د رپورټ له مخې، امیر خان متقي د افغانستان، پاکستان او چین د خارجه وزیرانو له درې اړخیزې غونډې وروسته په اسلام آباد کښې د افغانستان په سفارت کښې په یولړ دستورو کښې وویل چې چې د دغې ډلې لنډمهاله حکومت ټول شموله دی او د افغانستان ټول قامونه په کښې ونډه لري.
امیر خان متقي په دغو مراسمو کښې وویل: که ټول شموله په دې معنا وي چې یو وزیر د فرانسې په فرمایش راشي او بل د امریکې په فرمایش او بل د یو بل حکومت په غوښتنه، نو دا ډول ټول شموله مونږ نه شو منلې خو که په دې معنا وي چې د افغانستان د ټولو سیمو افغانان په کښې نمایندګي وکړي نو دا ډول ټول شموله حکومت موجود دی.
هغه زیاته کړې ده چې د یادو دریو هیوادونو ترمینځ غونډه کښې د افغانستان له اوسني حکومت سره د تعامل په اهمیت هم خبرې اترې شوې دي.
د طالبانو خارجه وزیر له نړۍ غوښتي دي چې د افغانستان مسائلو ته وړومبیتوب ورکړي. هم داشان له افغانستانه غوښتنه شوې ده چې د افغانستان د ښاریزو په تګ راتګ لپاره اسانتیاوې برابر کړي.
هغه د سیمه ایزو بیخ بینايي پروژو په عملي کیدو هم ټینګار کړی دی.
دا په داسې حال کښې دي چې د نړۍ هیوادونو په رسمیت د طالبانو د حکومت د پيژندلو یو شرط، د پراخ بنسټه جوړښت رامینځته کول اعلان کړي دی.
