چین په افغانستان کې پانګونې ته لیواله دی
د افغانستان د طالبانود حکومت د انرژۍ او کانونو وزیر په کابل کې د چین له سفیر سره لیده کاته وکړل.
افغانستان د ډيرو او ډول ډول کانونو له شتون سره سره تر دې دمه نه دی توانیدلی، د اقتصادي حالاتو د ښه کیدا لپاره له دغه الهي موهبت څخه ګټه پورته کړي.د هغو مختلفو ارزونو په اساس چې د افغانستان د معدني زیرمو په باب تر سره شوي دي،دغه هیواد د تیلو،ګیسو،مسو،ډبرینو سکوَرو،وسپنې ،طلا ،یورانیمو اولیتّیمو پشمول ډير زیات کانونه لري.
زمونږخبریال د صدای افغان خبری آژانس له قوله راپور راکړ،د افغانستان د نرژۍ او کانونو د چارو وزیر شهاب الدین دلاؤر په کابل کې د چین له سفیر وانګ یو سره په کتنې کې د قشقری تیلی څاګانو او د عینکو د مسو د کانونو د کندلو د کار د پيلولو په باب سره خبرې وکړې. په دغې کتنې کې شهاب الدین دلاؤر ددغو پروژو د زر پیلولو غوښته وکړه.
له دې مخکې هم په افغانستان کې د چین سفیر په مختلفو برخو کې د پانګونې په اړه له ځينو طالب چارواکو سره د دواړوهیوادونو د تجارتي اړیو د څرنګوالي او د اقتصادي پراختیا په باب خبرې اترې کړي دي.
