د خواړو او د کورونو کمښت د کډوالو مهم مشکلات دي
زمونږ خبریال راپور راکړی له پاکستان څخه ایستل شوي افغان کډوال د اوبو ، خواړو او د کورونو له کمښت سره مخامخ دي.
په افغانستان کښې مرسته رسونکو موسسو ویلي دي هغه افغان کډوال چې په تیرو څو ورځو کښې له پاکستان څخه ایستل شوي دي د اوبو ، خواړو ، د کورونو او د روغتیايي مسائیلو په شمول له ستونزو سره مخامخ دي.
مرستندویه موسسو وویل د افغانستان ډيرې کډوال د پاکستان د پولیسو لخوا د نیول کیدا او د دوې د شتمنیو د کنګل کیدا د ویرې په خاطر خپل هیواد ته ورستانه شوي دي.
له بلې خوا د طالبانو د حکومت ځینو چارواکو رسنیو ته وویل چې د خوراکي شیانو د ویشلو او نورو ضرورتونو په زمینه کښې له افغان کډوالو سره د مرستې لپاره مو یوشمیر کمیټیانې جوړې کړي دي.
د ماشومانو د ژغورنې موسسې مدیر هم وویل ډيرې کسان چې افغانستان ته ورستانه شوي دي د زده کړې مدرکونه نلري او دوې ته د تعلیم د ورکولو کار مشکل کوي.
دغو افغانانو اردو او انګریزۍ ژبې زده کړي دي او له پښتو او دري ژبو سره نه دي بلد.
