په افغانستان کې ډېری ماشومان په خوارځواکۍ اخته شوي
Feb 07, 2024 13:49 Asia/Kabul
د ملګروملتونو د ماشومانو د ملاتړ ادارې په خپل تازه راپور کې ویلي، چې په افغانستان کې پر سختې خوارځواکۍ د اخته ماشومانو په شمېر کې زیاتوالی راغلی دی.
په دې راپور کې ویل شوي چې په تېر ۲۰۲۳ کال کې له ۳۳۰۰ څخه په زیاتو روغتیايي مرکزونو کې، له ۱۵ میلیونه زیات ماشومان د خوارځوکۍ د کچې د معلومولو لپاره معاینه شوي دي.
د راپور د مالوماتو له مخې، په سختې خوارځواکۍ اخته ۷۱۵ ماشومان چې ۵۷ سلنه یې نجونې وې، بستر شوې دي.
د ملګروملتونو د خوړو د نړیوال پروګرام د شمېرو له مخې، اوس مهال په افغانستان کې څلور میلیونه کسان چې ۳.۲ میلیونه یې له پنځو کلونو څخه ښکته عمرونه لري، په سختې خوارځواکۍ اخته دي.
