افغانستان کښې د انګریز پوځیانو د جنګي جنایتي قضايي څیړنه کیږي

افغانستان کښې د جنګي جنایتونو په تور د انګلستان د پوځ د نهو ځانګړو ځواکونو د دوسیې قضايي څیړنه روانه ده.

د فارس خبري آژانس د رپورټ له مخې، لندن ټایمژ ورځپانې رپورټ ورکړی چې په سوریې او افغانستان کښې د جنګي جنایتونو په تور د بریطانیې د پوځ د نهو تنو ځانګړو ځواکونو دوسیه په قضايي توګه جاجوي.

دغه ځواکونه د افغان ملکیانو په هدف ګرځولو، د مړو په څنګ کښې د وسلو په ایښودلو او د غیروسله والو کسانو په وژلو تورن دي.

ټایمز ایشوا کړه چې انګریز چارواکو اول هڅه وکړه چې په دغو جنایتونو پورې اړونده معلومات پټ کړي خو اخر یې روان تحقیقات، د اطلاع رسونې د آزادۍ تر قانون لاندې ومنل.

له دې مخکښې یو انګریز قاضي په افغانستان کښې د خپل هیواد د پوځیانو د جنګي جنایتونو په لړ کښې تحقیقات پيل کړي وو.

د برطانیې دفاع وزارت په دې لړ کښې د تحقیقاتو له پیلیدو وروسته ویلي وو چې په افغانستان کښې د پوځيانو د جنګي جنایتونو په هکله له مستقلو تحقیقاتو سره به همکاري وکړي.