طالبانو په افغانستان کې د څلورو خصوصي پوهنتونونو فعالیت ځنډولی دی

په کابل کې سرچینو ویلي چې طالبانو په افغانستان کې د څلورو خصوصي پوهنتونونو فعالیتونه ځنډولي دي.

د سرچینو په حواله د قلم، استقامت، ابن سینا او دنیا پوهنتونونو فعالیتونه تعلیق شوي دي.

د یادونې وړ ده چې د دغو پوهنتونونو د تعلیق امر د طالبانو د لوړو زده‌کړو وزیر ندامحمد ندیم په لاسلیک صادر شوی دی.

د سرچینو په خبره، طالبانو خبرداری ورکړی چې که یادو پوهنتونونو په یو کال کې پام وړ شرایط پوره نه کړل، د فعالیت جوازونه دې لغوه شي.

د طالبانو دا پرېکړه د افغانستان پر پوهنتونونو او تعلیمي مرکزونو د محدودیتونو د دوام په ترڅ کې نیول شوې ده.

د یادونې ده چې افغان طالبانو په پوهنتونونو او روغتیايي انسټيټوټونو کې د نجونو پر زده‌کړو تر امرثاني پورې بندیز لګولی دی.