پاکستان دې د افغانستان د ګرَم ګڼلو پرځای خپلې ستونزې حل کړي
د افغانستان د طالبانو د حکومت د بهرنیو چارو وزیر د کابل او اسلام آباد ترمینځ په وروستیو مذاکراتو کې بندون ته په اشارې سره وویل،د پاکستان امنیتي ستونزې داخلي ریښې لري او دغه هېواد دې افغانستان ګرَم نه ګڼي.
د تسنیم خبري اژانس د راپور له مخې، افغانستان د طالبانو د حکومت د بهرنیو چارو وزیر امیرخان متقی د افغانستان او پاکستان ترمینځ د وروستیو حالاتو په اړه څرګندونه وکړه چې د طالب حکومت مرکچي پلاوي هیڅکله له پاکستان سره له خبرو ډډه نه ده کړې، خو مقابل لوری د غیر منطقي غوښتنو په راپورته کولو سره د مذاکراتو د پرمختګ مخه نیولې ده.
د طالبانو د حکومت د بهرنیو چارو وزیر ټینګار وکړ چې اسلام آباد باید پر نورو د تپلو په ځای خپلې ستونزې په خپلې خاورې کې حل کړي.
امیرخان متقی د پاکستان له خوا په افغانستان کې د تحریک طالبان پاکستان (ټي ټي پي) د غړو د شتون په اړه د تورونو په ځواب کې وویل:که د تحریک طالبان پاکستان (ټي ټي پي) غړي افغانستان ته راځي او بیا ګرځي، زه هم حق لرم وپوښتم چې ولې تاسو و رته اجازت ورکوئ چې د مونږ خاورې ته داخل شي؟
هغه یادونه وکړه چې د "ټي ټي پي" ستونزه نوې ښکارنده نه ده او ډېر وخت مخکې ریښې لري. تحریک طالبان پاکستان له ۲۵ کلونو راهیسې په دغه هېواد کې فعالیت کوي او د افغانستان له اوسني حکومت سره هیڅ اړیکه نه لري.
متقی د خپلو خبروپه بلې برخې کې خبرداری ورکړ: "که څوک په افغانستان یرغل وکړي، نو د هغه مسؤلیت مشخص دی. مونږ له خپل هېواد او خلکو دفاع کوو.
د طالبانو د حکومت د بهرنیو چارو وزیر ټینګار وکړ چې افغانستان د ټولو ګاونډیانو سره ښې اړیکې غواړي او اجازت به ورنه کړي چې له دغه هېواده د بیثباتۍ یا سیاسي دباؤ لپاره څوک کار واخیستل شي.
دا څرګندونې په داسې حال کې کېږي چې د افغانستان د طالبانو او د پاکستان ترمینځ د قطر او ترکیې په مینځګړیتوب سره د دریم پړاو مذاکرات، تېره اونۍ په استانبول کې ترسره شوې، خو له کومې نتیجې پرته پای ته ورسېدې.
پاکستان د سرحدي حملو د زیاتوالي او په افغانستان کې د پاکستان ضده وسله والو ډلوټپلو د شتون په اړه اندېښنه څرګنده کړې ده، په داسې حال کې چې طالبان دا تورونه بېبنسټه ګڼي او ټینګار کوي چې د پاکستان بیثباتي د داخلي اختلافاتو او د سرزورو او افراطي ډلو ټپلو په کنټرولولو کې د ناکامۍ نتیجه ده .
