افغانستان د شیعه مسلمانانو په جومات کښې ځان وژونکي حمله وغندله
زمونږ خبریال راپور راکړی د افغانستان د طالبانو خارجه وزارت د پاکستان د اسلام اباد په «ترلایي» سیمه کښې د شیعه مسلمانانو په یوه جومات او امامباړې کښې د جمعې د لمانځه په وخت د یوه ترهګر لخوا چې د خیبر پښتونخوا سیمې وسیدونکی دی حمله وغندله او د لمونځ ګزارو د شهادت او د ژوبلیدا په هکله یې غمرازي څرګنده کړه.
د طالبانو د خارجه وزارت ویاند په یوې خبر پاڼه کښې وویل چې په جوماتونو او په سپیڅلیو مذهبي ځایونو کښې بریدونه د انساني او د اسلامي ارزښتونو پرخلاف کار دی.
د طالبانو د بهرنیو چارو وزارت وویل په عبادت ځایونو او عامو خلکو باندې بریدونه کول د نه منلو وړ او د غندلو وړ چاره ده.
د پاکستان د اسلام اباد په ترلايي سیمه کښې د شیعه مسلمانانو په جومات او امامباړې کښې د پرون ورځې د حملې د شهیدانو شمیر یواتیا کسانو ته ورزیات شوی او له سلو څخه زیات کسان ژوبل شوي هم دي چې ځینې پکښې مرګي حاله دي.
د پاکستان شیعه مسلمانانو د ترهګرو ډلو د غړیو د نیولو او هغوې ته د سختې سزا ورکولو غوښتنه کړې ده.
ترهګرې ډلې په پاکستان کښې په رڼا ورځې بریدونه کوي او بې ګناه خلک شهیدان کوي او هغوې نه نیول کیږي.
