طالبان: پاکستان خبرواترو ته هیڅ ګروهنه نه لري
د طالبانو د بهرنیو چارو وزیر ویلي چې پاکستان له افغانستان سره د خپلو اختلافاتو هواري ته هیڅ دلچسپي نه څرګندوي.
پارس ټوډی د فارس خبري آژانس په حواله لیکلي چې، د طالبانو د بهرنیو چارو وزیر امیر خان متقي په کابل کښې د یوشمیر هیوادونو له سفارتکارانو او د نړیوالو سازمانونو له سفیرانو سره په یوه غونډه کښې وویل : پاکستان له افغانستان سره د خپلو اختلافاتو د هواري لپاره د ګروهنې هیڅ نښه نه څرګندوي.
هغه په افغانستان باندې د پاکستان د پوځ د بریدونو سختیدو له هغو نه په کابل کښې د روږدو کسانو د درملنې په یو مرکز باندې حملې ته په اشارې سره ټینګار وکړ: د دغو بریدونو په نتیجه کښې په ډیپلماسۍ باندې د پاکستان په ژمنوالي د کابل باور ختم شوی دی ځکه چې اسلام آباد د دواړو هیوادونو ترمینځ د روانو شخړو د هواري لپاره د رغنده تګلارې موندلو ته هیڅ ګروهنه نه لري.
متقي څرګنده کړه: په کابل باندې وروستۍ حمله چې له امله یې کابو ۴۰۰ ملکي وګړي وژل شوي او له ۲۵۰ زیات زخمي شول، ښودنه کوي چې پاکستان په جنګ کښې د هیڅ اسلامي یا انساني اصولو پابند نه دی.
ښاغلي متقي زیاته کړه: د پاکستان پوځي ارګان ډیپلماسۍ ته بې پامي ښودلې او دا مسئله د دواړو لورو ترمینځ د معناداره تعامل له نشتوالي په کابل کښې د نارضایتۍ د زیاتیدو بیانونکې ده.
