په افغانستان کښې دداعش ۱۹۰۰ غړی وژل شوی
-
امریکا اوس دداعش ډلې ډیر غړي افغانستان ته بیولي دي چې ددغه ډلې فعالیتونه مرکزي اسیا هیوادونو ته وغځوي .
زمونږ خبریال وایی د افغانستان دفاع وزارت دهیواد په بیلابیلو سیمو کښې د روان میلادی کال له پیلیدا څخه تراوسه پورې دداعش ترهګرې ډلې د وژل شویو غړیو شمیر نولس سوه(۱۹۰۰) اعلان کړ .
دافغانستان ددفاع وزارت ویندوی دولت وزیری پرون وویل حکومتی عسکرو د روان میلادی کال له پیل راهسې تراوسه په ننګرهار ، زابل ، قندوز ، کونړ ، نورستان ، لوګر ، جوزجان او سرپل ولایتونو کښې د داعش ترهګرې ډلې پرضد په سلګونو پوځی عملیات کړی دی چې له کبله یې د دغه ډلې د نهه اویا مشرانو په شمول نولس سوه (۱۹۰۰)ټروریسټان هلاک شوی دی .
امریکا اوس دداعش ډلې ډیر غړی افغانستان ته بیولی دی چې ددغه ډلې فعالیتونه مرکزی اسیا هیوادونو ته وغځوی چې دچین او د روسیې لپاره امنیتی مشکلات رامینځته کړی .
بل خبر داچې دافغانستان دفاع وزارت د فراه ولایت په خاک سفید ولسوالۍ کښې د پوځ په هوایی حملو کښې دیویشتو (۲۱)طالبانو د وژل کیدا او د لسو(۱۰) نورو د ژوبلیدا خبر ورکړ .
په دغو حملو کښې دافغانستان دطالبانو پوځی تجهیزات هم تباه شوی دی .
