فضل هادي مسلمیار یوځل بیا د افغانستان د سنا په مشرۍ غوره شو
فضل هادي مسلمیار د افغانستان د ولسي او مشرانو جرګو د اوولسم پړاؤ په وړومبنۍ غونډه کښې د رایو په اتفاق سره یوځل بیا د پنځه کلن پړاؤ لپاره د دغه هیواد د سنا جرګې د مشر په توګه غوره شو.
فضل هادي مسلمیار د افغانستان د ولسي او مشرانو جرګو د اوولسم پړاؤ په وړومبنۍ غونډه کښې د رایو په اتفاق سره یوځل بیا د پنځه کلن پړاؤ لپاره د دغه هیواد د سنا جرګې د مشر په توګه غوره شو.
د افغان غږ خبري آژانس په لیکنه، فضل هادي مسلمیار پرون د مشرانو جرګې د غړو په ۶۱ رایو سره یوځل بیا د دغه ارګان په مشرۍ وګمارل شو.
د ویلو ده چې د افغانستان د ولسي جرګې او مشرانو جرګې د فعالیت اوولسم پړاؤ پرون خپل کار پیل کړ.
د افغانستان ولسمشر محمد اشرف غني د دغه هیواد د پارلیمان او سینیټ د کار پیلولو په مراسمو کښې وویل: د خلکو د خدمت لپاره د استازو د کارونو د ښه پلاننګ په موخه ټول حکومتي اسناد دوي ته ورکړی شوي دي.
هغه زیاته کړه چې د اسلامي جمهوري نظام دوام او د هیواد اساسي قانون له طالب ډلې سره په مذاکراتو کښې سرې کرښې دي او له دغې ډلې سره به هیڅ ډول موافقه د افغانستان د ولسي جرګې له تایید پرته ونه شي.
