په بلوچستان کې د واکسيناتورانو پر ساتونکو بريد کې اووه تنه وژل شوي
د پاکستان د بلوچستان صوبې په مستونګ سیمه کې د نجونو یوه ښوونځي ته نژدې په یوه برید کې د پولیو د واکسیناتورانو د امنیت لپاره ګومارل شوي پولیس په نښه شوي چې له امله یې د پنځو ماشومانو په ګډون لږ تر لږه اووه تنه وژل شوي دي.
د پولیسو یوه چارواکي ویلي چې، په دغه برید کې د پولیسو هغه موټر په نښه شوی وو، چې د پولیو د واکسین د کارکوونکو د امنیت لپاره یې ساتونکي لېږدول.
د پولیسو یوه بل چارواکي بیا ویلي چې، په اووه وژل شویو کسانو کې پنځه ماشومان، یو پولیس او یو دوکاندار شامل دي.
د دغه برید مسئولیت تر اوسه چا یا کومې ډلې نهدی اخیستی.
لهدې مخکې روانه اونۍ په پاکستان کې د ماشومانو لپاره د پولیو د واکسین د پیل شوي کمپاین په ترڅ کې د خیبرپښتونخوا په څو سیمو کې د دغه کمپاین پر کارکوونکو او ګومارل شویو پولیسو یې بریدونه وشول، چې له امله یې څوتنو ته مرګژوبله اوښتې وه.
په پاکستان کې چې روان زېږديز کال د پولیو مثبتې پېښې پکې په بېساري توګه زیاتې شوې.
