په ارګ ماڼۍ کښې اخلاقي فساد نشته

د افغانستان د ولسمشر ویاند د دغه هیواد په ولسمشرۍ ماڼۍ (ارګ) کښې د اخلاقي فساد په هکله د اشرف غني د پخواني سلاکار ادعا رد کړه.

آوا خبري آژانس لیکلي چې هارون چخانسوري پرون په کابل کښې یوه خبري غونډه کښې د ارګ د پخواني سلاکار حبیب احمدزي تورونه بې بنیاده او دروغ وبلل.

حبیب ا... احمدزي مدعي شوی چې داسې کسان پیژني چې له شپږو سوو یې کمې راې درلودلې خو د اشرف غني سلاکار فضلي د ناروا اړیکو په بدل کښې هغوي بریالي اعلان کړي دي.

خو د افغانستان د ولسمشر ویاند وايي چې احمد زي د خپلو شخصي اغراضو په خاطر هڅه کوله چې د دروغ ویلو له دې لارې په عامه ذهنونو کښې تشویش رامینځته کړي.