اشرف غني بریتانیا ته لاړ

د افغانستان ولسمشر نن د بریتانیا پلازمینې لندن ته تللی دی.

د افغانستان ولسمشرۍ ماڼۍ خبر ورکړی چې محمد اشرف غني د بریتانیا د حکومت په رسمي بلنه نن سهار د یو لوړرتبه پلاوي په مشرۍ لندن ته سفر وکړ.

ټاکل شوې چې د افغانستان ولسمشر به په دغه سفر کښې د بریتانیې له چارواکو سره جلاجلا ملاقاتونه وکړي.

هم داشان ویل کیږي چې هغه به په انګلستان کښې د دغه هیواد او افغانستان د ملي ټیمونو د کرکټ لوبه هم وګوري کومه چې د نړیوال کپ د سیالیو په دوران کښې ترسره کیږي.