اشرف غني په افغانستان کښې د دار الافتاء د جوړولو حکم ورکړ
د افغانستان ولسمشر په دغه هیواد کښې د دار الافتاء د جوړولو امر وکړ.
د افغانستان د ولسمشرۍ ماڼۍ نن په یوه خبرپانه کښې وویل چې محمد اشرف غني په خپلواکو تشکیلاتو سره د شرعي فتوو د صادرولو د یوازنۍ مرجع او سرچینې په توګه د (دارالافتاء) د جوړولو حکم صادر کړ.
افغان ولسمشر د خپل هیواد عدلیې وزارت ته امر کړی چې د دارالافتا د جوړولو قانوني مراحل ترسره کړي.
د افغانستان د حکومت له خوا د اعلان شوې دارالافتا څرنګوالی او د غړو ترکیب یې لا نه دی معلوم خو په دې وروستیو کلونو کښې به له شیعه او سني عالمانو جوړې د افغانستان د علماؤ شورا د دغه هیواد د دیني، سیاسي او اجتماعي مسائلو په وړاندې دریځنیونه کوله.
د دار الافتاء د جوړولو طرحه په کال ۱۳۹۱ شمسي کښې د حامد کرزي د ولسمشرۍ په وختو کښې هم مطرح شوې وه خو عملي نه شوه.
د ویلو ده چې د افغانستان ۹۹ فیصده خلک مسلمانان دي.
