کابل د امریکې او طالبانو د موافقې د مسودې له مفادو خبر دی
د افغانستان دولسمشر ویاند تاییده کړه چې کابل د امریکې او طالب ډلې ترمینځ د موافقې د مسودې په مفادو خبر دی.
ایرنا خبري آژانس لیکلې دي چې صدیق صدیقي پرون وویل: د افغانستان حکومت په قطر کښې د امریکې او طالبانو ترمینځ د صلحې د خبرواترو د اتم پړاؤ له ټولو جزئیاتو خبر دی خو د موجودو حساسیتونو په وجه د طرفینو د موافقې جزئیات له رسنیو سره نه شي شریکولی.
سیمه ایزې سرچینې وايي د امریکې او طالب ډلې د موافقې له مخې، په وړومبي پړاؤ کښې پنځه زره امریکايي پوځیان په څلورو میاشتو کښې له افغانستانه وځي.
د افغانستان حکومت هم د دغې موافقې له مخې دنده لري چې په راتلونکو دوو اونیو کښې د طالب ډلې لس زره زنداني غړي، خوشې کړي.
ټاکل شوې چې د امریکې او طالبانو ترمینځ د صلحې د موافقې له لاسلیکیدو وروسته یوه (بین الافغاني) غونډه د ناروی په اوسلو ښار کښې ترسره شي او په کښې د افغانستان د راتلونکي حکومت د جوړښت او د ښکیلو لورو ترمینځ د قدرت د ویش په هکله په کښې خبرې اترې وشي.
