د افغانستان د ملي امنیت مشر استعفا ورکړه

د افغانستان د ملي امنیت رئیس له خپل مقام څخه استعفا ورکړه.

د افغانستان د ولسمشر ویاند صدیق صدیقي پرون وویل: په ننګرهار ولایت کښې د ځانګړو ځواکونو په عملیاتو کښې د څلورو ملکي افغانانو له وژل کیدو وروسته ولسمشر اشرف غني د دغه هیواد د ملي امنیت د مشر محمد معصوم ستانکزي استعفا ومنله.

د ویلو ده چې د ننګرهار ولایت په مرکز جلال آباد ښار کښې د افغانستان د ملي امنیت د ځانګړو ځواکونو په عملیاتو کښې چې د امریکايي پوځیانو په ملاتړ کښې شوي، څلور تنه عامه افغانان وژل شوې دي.

خو ځینې رپورټونه بیا وايي چې ستانکزي په تیرو څلور پنځو ورځو کښې په کابل ښار کښې د دوو ترهګرو چاودونو له امله له خپل مقامه استعفا ورکړې ده. په دغو دوو چاودنو کښې لسګونو کسانو ته مرګ ژوبله اوښتې ده.