کابل کښې زیاته اندازه ناقانونه وسله نیول شوې
دافغانستان دکورنیو چارو وزات په کابل ښار کې اوه نوي (۹۷ ) میله غیرقانوني وسلې کشف او ترلاسه کړې.
له غزني زمونږ خبریال رپورټ راکړی چې د افغانستان د کورنیو چارو وزارت خبر پاڼه کې راغلي چې له جنايي جرمونو سره د مبارزې پولیسو، کابل کې د یو لړ ځانګړو عملیاتو په ترڅ کې (۹۷ ) میله بېلابېل ډوله غیرقانوني وسلې کشف او ترلاسه کړې دي.
ویل کیږي یادې وسلې په یوې خصوصي امنیتي کمپنۍ پورې تړاو لري، چې پنځه (۵) میله پیکا او( ۹۲ ) میله کلاشینکوفونه پکې شامل دي.
خبر پاڼه وایي په دې تړاو د پولیسو لا زیاتې پلټنې او ګروېږنې روانې دي.
دا په داسې حال کې ده چې تیره ورځ د کابل ښار د دویمې ناحیې په اړوند سیمو کې د خلکو د دوکه کولو په تړاو د فرېبکارانو یوه (۲۵ ) کسیزه ډله هم نیول شوې وه.
یادو کسانو د "کیونېټ" په نوم یوه شرکت کې د "څنګه شتمن شئ؟" هدف لپاره فرېبکارانه فعالیت کاوه، چې پولیسو د خلکو د پرله پسې غوښتنو او عریضو له ترلاسه کولو وروسته نیولي دي.
