ایران او افغانستان د دوه اړخیزې ملګرتیا په پراختیا ټینګار وکړ

د افغانستان په چارو کښې د ایران د اسلامي جمهوریت ځانګړي استازي او د افغانستان د حکومت اجرايي مشر د دوه اړخیزو اړیکو او ملګرتیا په پیاوړتیا ټینګار وکړ.

د افغانستان لپاره د ایران ځانګړي استازي محمد ابراهیم طاهریان پرون په کابل کښې د افغانستان د ملي یووالي حکومت د اجرايي مشر عبدالله عبد الله. سره په کتنه کښې د دوه اړخیزو اړیکو، سیمه ایزو مسائلو، د افغانستان د صلحې د بهیر او د دغه هیواد د ولسمشریزو انتخاباتو په هکله خبرې اترې وکړې.

طاهریان پرون هم داشان د افغانستان له تیر ولسمشر حامد کرزي سره هم وکتل او د وروستیو سیمه ایزو مسائلو او د افغانستان د صلحې د بهیر په هکله یې ورسره صلاح مشوره او د نظر تبادله وکړه.

په دغو لیدو کتو کښې په افغانستان کښې د ایران د اسلامي جمهوریت سفیر بهادر امینیان هم موجود و.