افغان ولسمشراشرف غني جلال اباد ته ولاړ
د ننګرهار د والي ویاند عطاالله خوږیاڼی وايي، له افغان ولسمشر سره د وزیرانو، چارواکو او رئیسانو یو ۵۰ کسیز پلاوی هم ور رسېدلی دی چې نن به ټوله ورځ له امنیتي مسوولانو، ښځو، قومي مشرانو او ولسي خلکو سره لیدنې ولري.
د افغانستان د رسندویو له راپور سره سم افغان ولسمشر غني نن د یوه لوړ پوړي پلاوي په مشرۍ د ننګرهار د عمومي وضعیت د ارزونې او د دغه ولایت له خلکو څخه په ټاکنو کې ده ته پراخې رایې د ورکړې له کبله مننې لپاره ورسېد.
د ننګرهار د والي ویاند عطاالله خوږیاڼی وايي، له افغان ولسمشر سره د وزیرانو، چارواکو او رئیسانو یو ۵۰ کسیز پلاوی هم ور رسېدلی دی چې نن به ټوله ورځ له امنیتي مسوولانو، ښځو، قومي مشرانو او ولسي خلکو سره لیدنې ولري.
بلخوا د ننګرهار والي شاه محمود میاخېل هم پر خپله فیسبوک پاڼه لیکلي چې په ننګرهار کې دا مهال د نیالګیو کینولو موسم روان دی او ولسمشر به هم د پسرلي پيل او نمانځنه د نیالګي په کینولو وکړي.
