کرونا ناروغي د ننګرهار اته لکه خلک ګواښي
دکرونا ناروغۍ په اړه ددې سیمې د خلکو اندیښنې وروسته له دې زیاتې شوې چې دننګرهار ختیز په خیبرپختونخواه ،په لویدیز کې د لوګر او دغه راز په شمال لویدیز کې د کاپیسا په ولایتونو کې دکرونا ناروغۍ د مثبتې پېښې ثبت شوې.
زمونږخبریال له ننګرهاره راپور راکړ د افغانستان د ننګرهار والي شاه محمود میاخیل نن په یولړ څرګندونو کې وئیلي دي ،سره له دې چې تر اوسه په ننګرهار کی د کرونا ناروغۍ کومه مثبته پیښه نده ثبت شی ،خو که دغه ناروغي خوره شي ،نوکابو اته لکه وګړو پرې د اخسته کیدا ویره موجوده ده .
د ننګرهار والي ویلي، دخلکو دپوهې د کچې ټیټوالی ،دناروغۍ پر وړاندی د تدابیرو نه نیول او بی پروائي ،دا ویره نوره هم لوړوي. هغه وویل اوس ددی ولایت دینی عالمانو دښار په واټونو او ګڼ میشته سیمو کې د عامه پوهاوي کمپاینونه پیل کړي او دغه راز د روغتیا ریاست له لورې د سل بسترونو یو روغتون تیار شوی دی.په عین حال کې د ننګرهار د عامی روغتیا د ادارې مشر ډاکتر نصیر احمد دوراني وئيلي دي ، که څه هم اوسمهال د تورخم دروازه تړل شوی او د خلکو تګ راتګ نشته ،خودوي هلته د تبې د معلومولو دستګاه او د خلکودڅارني مرکز فعال کړی او همدارنګه ئې په جلال اباد ښار کې ټول ورزشي کلبونه،هغه هوټلونه چې د ودونو او نورو ښادیو مراسم پکی تر سره کیدل او حمامونه تړلي دي.ننګرهار کې اوسمهال څلور ملیونه وګړي استوګن دي . دکرونا ناروغۍ په اړه ددې سیمې د خلکو اندیښنې وروسته له دې زیاتې شوې چې دننګرهار ختیز په خیبرپختونخواه ،په لویدیز کې د لوګر او دغه راز په شمال لویدیز کې د کاپیسا په ولایتونو کې دکرونا ناروغۍ د مثبتې پېښې ثبت شوې.
