طالبانو په پکتیا ولایت کې دولس عام افغانان تښتولي دي
د افغانستان په شمال کې د پوځ دقوماندانۍ ویندوي محمد حنیف رضائي نن په یولړ څرګندونو کې وئيلي دي ، د فاریاب ولایت په ګرزیوان ولسوالۍ کې دطالبانو یو مشر ملا اکرم سره د نورو ۲۳ وګړو ځانونه سره د وسلو ملی اردو ته تسلیم کړي دي .
زمونږخبریال د صدای افغان خبری آژانس له قوله راپورراکړد افغانستان دپکتیا ولایت د څکمیو ولسوال عبدالرحمن زرمتي رسندویو ته وئيلي دي ،یو شمیر وسلوالو طالبانوبیګا ددغې ولسوالۍ په مندوخیلو سیمې کې دولس عام افغانان له ځان سره بیولي دي .
هغه زیاته کړې،طالبانو ادعا کړې وه چې دغو تښتول شوو عامو افغانانو له پولیسو سره ملګرتیا کوله .
طالبانو تر دې دمه په افغانستان کې په سلګونو کسان له حکومتي ادارو او پولیسوسره دملګرتیا په پلمه تښتولي او پانسي کړي دي چې دغې چارې د افغانستان دولس ،سیاستوالانو او ډلو ټپلو سخته غوسه اوکرکه راپارولې ده .
له افغانستانه په یوه بل خبرکې وئيل شوي دي،د افغانستان په شمال کې د پوځ دقوماندانۍ ویندوي محمد حنیف رضائي نن په یولړ څرګندونو کې وئيلي دي،د فاریاب ولایت په ګرزیوان ولسوالۍ کې دطالبانو یو مشر ملا اکرم سره د نورو ۲۳ وګړو ځانونه سره د وسلو ملی اردو ته تسلیم کړي دي .
دطالبانو ډلې دغو غړو په داسې حال کې ځانونه افغان پوځ ته سپارلي چې دافغانستان په بیلابیلو سیمو کې له حکومتي ځواک سره د دغې ډلې جنګ جګړې اوج ته رسیدلي دي . د افغانستان ولسمشر اشرف غني افغان پوځيانو ته امر کړی د طالبانو په ضد دې یرغلیز عملیات پیل کړی او دغې وسلوالې ډلې هم ګواښ کړی ، چې دافغان پوځيانو دقوماندانۍ په مرکزونو به خپلې حملې نوره هم زیاتې کړي .
کابو دوه میاشتې مخکې په قطر کې دامریکا او طالبانو ډلې ترمینځ د تش په نامه سولې موافقې پسې د افغانستان په بیلابیلو سیمو کې ددغې ډلې حملې اوبمي چاودنې په اوڅاره توګه ډيرې زیاتې شوي دي .
