پمپیود افغان دولت او طالبانوله استازیو سره بې نتیجې کتنې درلودلی دی
د امریکا د بهرنیو چارو وزیر مایک پامپیوپه دوحه کې د افغانستان د دولت او طالبانو له استازو سره جلا – جلا وکتل چی هیڅ نتیجه یې نه درلوده
پامپیو قطر ته تر روانېدو مخکې ویلي و چې دوحې ته ورځي چې د افغانستان د سولې د ولاړ حالت د پای ته رسولو لپاره د افغانستان د دولت او طالبانو له استازو سره وویني.
د طالبانو د قطر د دفتر ویندوی ډاکتر محمد نعیم ویلي چې مایک پامپیو د طالبانو د قطر د دفتر له مشر او د طالبانوډلې د مرستیال ملا برادر او دغه راز د طالبانو د مرکچي پلاوي له مشر شیخ عبدالحکیم سره کتلي دي.
د ښاغلي نعیم په وینا دواړو خواوو د امریکا او طالبانو ترمنځ د فبرورۍ د ۲۹ نېټې د موافقې او پر هغې د دواړو خواوو د درېدا په اړه خبرې وکړې.
پامپیو همداراز د افغانستان د سولې د چارو له وزیرسادات منصور نادری سره هم کتنه او خبرې اترې کړی دي .
د افغان دولت او طالبانو سره د پمپیو خبرې اترې د خبرواترو په بهیرکې د پرمختګ په هکله له کوم راپورخپریدا پرته پاې ته ورسیدې .
