افغان عالمان وايي، په افغانستان کښې جنګ د مسلمانانو وژل دي
د افغانستان په لویدیځ زون کښې لسو تنو عالمانو د هرات په جامع مسدجد کښې په یوه غونډه کښې، په خپل هیواد کښې روانه جګړه مسلمان وژنه وبلله
د افغانستان په لویدیځ زون کښې لسو تنو عالمانو د هرات په جامع مسدجد کښې په یوه غونډه کښې، په خپل هیواد کښې روانه جګړه مسلمان وژنه وبلله
د افغانستان په لویدیځ کښې علماؤ او روحانیونو شورا په یادې غونډې کښې وویل: نه دي پکار چې د طالبانو د ادعا وړ اسلامي نظام د صلحې د مذاکراتو مخه ونیسي.
د دغې شورا مشر مولوي خداداد صالح ټینګار وکړ چې په هیواد کښې روان جنګ حرام دی او د اسلامي نړۍ ټولو عالمانو دغه جنګ حرام اعلان کړی دی.
هغوي وویل: د طالبانو د فرمایشي اسلام طرحه د منلو وړ نه ده او یوازې د هیواد دیني عالمان کوې شي چې د اسلامي نظام په هکله نظر ورکړي.
مولوي خداداد صالح وویل: طالبان غواړي فرمایشي اسلام د افغانستان پر ولس راوتپي.
د هرات د حج او اوقافو مشر عبدالخالق حقاني هم وویل: د صلحې بین الافغاني مذاکرات ترتولو غوره انتخاب دی او علمای دین ترې ملاتړ کوي.
دغو عالمانو له طالبانو او هم افغان حکومته وغوښتل چې اوربند اعلان کړي.
