تهران د صیهونیسټ رژیم په وړاندې له مقاومته د ملاتړ په دوام ټینګار وکړ
د ایران د اسلامي جمهوریت د بهرنیو چارو وزیر له خپل لبناني سیال سره په ټیلیفوني خبرو کښې د ایران د اسلامي جمهوریت په نوي حکومت کښې د صهیونیسټ رژیم د تیریو په مقابل کې د لبنان له حکومت او خلکو د ملاتړ په دوام ټینګار وکړ.
د ایرنا په ویناد لبنان د بهرنیو چارو وزیر عبدالله بوحبیب د ایران د اسلامی جمهوریت د بهرنیو چارو د وزیر په توګه د سید عباس عراقچی د ټاکل کېدو له امله مبارکی وویله او په دغه دنده یې د عراقچی د بریالیتوب هیله وکړه.
عراقچي په دې خبرو کې د صهیونیسټي رژیم د تیریو په وړاندې د لبنان د حکومت او خلکو او د لبنان له مقاومت د ملاتړ په دوام کښې د ایران د اسلامي جمهوریت د نوي حکومت په دریځ باندې د ټینګار په ترڅ کښې هیله څرګنده کړه چې د اړیکو او ملګرتیاو د پراختیا او پیاوړتیا بهیر دوام ومومي.
عراقچي او بوحبيب د دواړو هېوادونو د علاقې وړ په بېلابېلو برخو کې د ګډو مشورو د دوام لپاره پر خپل چمتووالي ټينګار وکړ.
سید عباس عراقچي مخکي همدا راز پخپلې لومړنۍ خصوصي مرکې کې وويل، د ایران خارجه وزارت به د ایران داقتصادی بندیزونو دختمولو او په نړیوالې ټولنې کې عادی تجارتي اړیکو ته د بیرته ستنیدا په لړ کې د ټاکونکي ګام په توګه،له واشنګټن سره د تاؤتریخوالو په مدیریّت او له اروپائي هیوادونو سره داړیکو په بیا رغونې پسې وي، خو د ۲۰۱۵کال د جامعې ایټمي موافقې د احیاء او د ایران په ضد دبندیزونو دختمولو لپاره د دوی دغلیمانه کړچار د لیری کیدا او دهڅې په شرط سره.
