اسلامي ایران د تیلو د خرڅولو او صادرولو لپاره هیڅ اندیښنه نلري
د ایران د تیلو وزیر «محسن پاکنژاد» دغه پوښتنې ته په ځواب کښې چې ایا په امریکا کښې واک ته د نوي ولسمشر ډونالډ ټرامپ په رسیدا سره د ایران د تیلو د خرڅولو اندازه او کیفیت به بدل شي وویل
ایران د تیلو د خرڅولو او د صادرولو په زمینه کښې هیڅ ډول اندیښنه نلري.
هغه زمونږ له خبریال سره په ځانګړي مرکه کښې وویل د ایران د اسلامي جمهوریت د تیلو وزارت د نړیوالو چارو په برخه کښې د خپلو کسانو په وسونو باندې تکیې کولو سره د تیلو د خرڅولو او د صادرولو په زمینه کښې هیڅ ډول اندیښنه نلري.
د ایران د تیلو وزیر محسن پاکنژاد وویل ایران هڅه کوي په اسټریا هیواد کښې د اوپیک او د اوپیک پلس په راتلونکو غونډو کښې د خپلو د تیلو د تولید د کمیدا په زمینه کښې محدودیت ونه مني او هماغه راز د هغو شرایطو په دلیل چې لرو یې د تیلو په بازار کښې خپله ونډه وساتو.
د ایران اسلامي جمهوریت د امریکا او د سپینې ماڼۍ د لویدیځو متحدانو له بایکاټونو سره سره په نړیوالو بازارونو کښې د تیلو خرڅول زیات کړي دي او نوي ګاهکان یې پیدا کړي هم دي.
